我響沙田學院考,由昨晚講起,7點半至9點半
補左兩個鐘,學院比左0架垃圾車我,又係好大
油吊幾耐下離合器先行到0既車我,我心諗聽
日係呢架車考就死得.
練完8字,出車,其間有架羊仔突然響同一條行
車線內扒我頭,搞到我都即時反應則一則,之後
佢停燈位時我突登加速到50km左右之後連落
3個波放離位器急停響0太,嚇到隻羊仔標前成
個車位,佢望番我時我響道奸笑,之後佢就有咁
快得咁快咁走左...........
第二日,即係今日,一早考10:20,自己成7點起身,
好唔夠訓,加上未病好,不過都唔好理,頂硬上,去
到試車,佢比左架之前未比我用過0既no.車,151號
,一渣,嘩,架車好爽,迫力又夠應,即刻醒曬,斜路開車
比小小油就去,之後就不停斜路打8字,越打越快,比
油衝上去右轉,之後比油衝番落黎,頭尾掣一齊用,
務求以有限時間練最多次8字.番到去報到室等開
考時,發覺個人有D累,唔夠訓加上頭先打8字玩得
太多,頭暈暈咁,之後出去考,聽完考官講野之後就
開始,先打8字.頭兩個都冇乜問題,第3個見到考官
舉手,搞到我望左變左望右睇睇佢搞乜,架車差D
唔夠力上斜,好在架車夠力,如果唔係街都唔洗出.
之後出街,考源順圍線,一路都冇乜問題,係去到入
工廠區T字讓路位死左次火(比暗斜好陰濕下),我
心諗一次0者,應該冇事掛,總之唔好再出錯番到學
完,泊低車之後見考官冇走埋黎同我講野應該都
pass掛.
番到入房,都有小小緊張,驚果下死火搞到肥左,但
我交完文件都未坐低就叫我入去拎成績,咁又係
0既,得我一個考,係咁快0架啦,入到去結果係5個剔,
pass,之後就有一位路路通0既阿sir叫左我入房傾,我
覺得罷脫果個阿sir比考牌更難,不過我覺得學院做
得唔好0既就係我考完pass左之後完全冇人同我講
幾時去邊道拎牌之類0既野,好似唔join路路通就話
之你死咁,點都好啦,由8月報名到而家3個幾4個月,
努力冇白費到,下午即出旺角買埋頭盔,跟住就打
電話問賣家,再約朋友睇車
其實我都好想將呢份喜悅同阿媽講,可惜我阿媽
唔想我渣電單車........
Chatboard (0)